2 Shkupi Flow rikthehen me “recetën” e vërtetë të hip hop

2 Shkupi Flow janë grupi legjendar nga Shkupi,të cilët pasi kanë bërë një pushim të gjatë nga muzika janë rikthyer sërish dhe më të fortë se kurrë.Në një intervistë eksluzive për MCN Radio ato janë shprehur që pas kënges së tyre të parë “Shkupi Represente” ose sic masa e gjerë e njeh “Se prej Shkupit vina” paten realizuar dhe një këngë tjetër e cila nuk u publikua asnjëherë për shkak të keq menaxhimit nga ana e producentit.Asyeja më madhore që publiku meriton të dijë për shkëputjen dhe rikthimin e vonë është drejtimi që morën secili në angazhimet personale familjare dhe profesionale.
Duke qënë se stili i tyre i të bërit hip hop ndryshon nga masa, e cila sot mbahet në rekorde nga dance hall dhe trap hip hop, të pyetur nëse kjo j’ua vështirëson pak rrugën për të qënë nga më të pëlqyerit e momentit ata thonë :”Stili ynë është ky dhe jemi të sigurt që do mbetet ky stil deri në ditët kur do të bëhemi pleq me mjekër të bardhë dhe me bastun.Kemi fansat tonë që e pëlqejnë këtë lloj të bërit hip hop dhe ka njerëz që dinë ta vleresojnë mënyren se si ne e bejmë hip hopin dhe jemi të kënaqur derisa sa ekzistojnë ky lloj publiku që dinë të vleresojnë dhe të dëgjojnë atë që është mire për veshin e tyre dhe ka vlera artistike”.
Ndër të tjera ata na kanë treguar edhe për projektet e radhës që do të sjellin. Kanë në plan dy këngë të reja që do i kemi në muajt në vijim dhe që besojnë se me këto projekte të reja do të ringjallin paksa vlerat e të bërit hip hop të vërtetë me recetën e kuzhinës së 2 Shkupi Flow, me një stil më të avancuar. Gjithashtu ata besojnë se deri në fund të verës do të kenë sjellë edhe një album.