35 vite nga publikimi i “Thriller” i Michael Jackson

E para video muzikore e xhiruar në bobinë, e para e transmetuar në ekran, 722 milionë shikime në “YouTube”: janë disa prej arritjeve të videoklipit të “Thriller” të Michael Jackson. Më 2 dhjetor u celebrua 35-vjetori i këngës që u transmetua për herë të parë në “MTV” në vitin 1983.Asnjë klip i shkurtër muzikor nuk ka pasur një entuziazëm dhe një sukses të tillë, duke qëndruar gjatë në kujtesën e njerëzve, pavarësisht kalimit të viteve.

E vetmja video muzikore që është bërë pjesë e “National Film Registry” e “Library of Congress”, me këtë zhanër 14 minutash në 35mm, Michael Jackson revolucionoi produksionet e videove. U vlerësua si një formë arti tërësisht e re dhe zuri një vend në historinë e muzikës si pionier i këtij zhanri.“Thriller”, e shkruar nga John Landis e Michael Jackson, me regji të Landis, ka fituar tre “MTV Awards”, dy “AMA” dhe një “Grammy”. Kënga rihyri në Hot 100 më 10 nëntor 2018, në vendin 31, më i larti i arritur prej 7 prillit 1984.