Fenomeni Tayna sjell hitin e radhës “Fake”

Tayna tashmë është bërë sensacion në skenën muzikore shqiptare, saqë thuajse secilën këngë që e lanson shndërrohet në hit.

Ditë më parë, reperja e publikoi videoklipin më të ri të këngës së titulluar “Fake”.
Ndërsa që në ditët e para të lansimit, edhe kjo këngë duket se po shndërrohet në një tjetër hit të këngëtares.

Më pak se 3 ditë pas publikimit të videos muzikore në YouTube, “Fake” ka kaluar shifrën prej një 1.5 milione shikimesh.
“Fake” ka ardhur pas këngës “Shqipe”, videoklipi i të cilës u lansua më 30 qershor dhe deri më tani është shikuar mbi 13.4 milionë herë në YouTube.