Gabimi i tmerrshëm i firmës së njohur të modës

Firma e njohur e modës, “Burberry” ka bërë një gabim të tmerrshëm mbrëmjen e kaluar duke ngatërruar fituesin e “BAFTA”, Dev Patel, me reperin Riz Ahmed në rrjetet sociale, dyshe e cila ishte veshur nga ky brend për këtë event.

Përmes një postimi të bërë në rrjetin social Twitter, “Burberry”, ka dashur të tregojë se Dev kishte veshur kostumin e tyre por në vend të aktorit ata kanë postuar fotografinë e reperit Riz.

Përmes një deklarate të bërë, firma e njohur ka sqaruar: ‘Ky është një gabim që nuk duhet të kishte ndodhur por që është korrigjuar menjëherë. Ne i kemi kërkaur falje personalisht Dev dhe Riz. Po analizojmë situatën në mënyrë që ky gabim të mos përsëritet sërish”.