Rita Ora fiton miliona edhe pa publikuar asnjë këngë

Këngëtarja me prejardhje nga Kosova, Rita Ora edhe pse nuk ka publikuar asnjë këngë gjatë dy viteve të fundit, ajo ka arritur që të ketë sukses në biznes.
Gazeta britanike The Sun raporton se vetëm gjatë vitit 2016, Rita ka fituar 3 milionë funte – pa publikimin e këngëve.
Asetet në firmën e saj Ora Multi Services janë rritur nga 2 milionë në 4.4 milionë funte, derisa Ora Live Ltd ka fituar 700 mijë stërlina deri në prill të vitit 2016, transmeton Koha.net.
“Fuqia e Ritës për fitime është e pabesueshme, edhe pse ajo nuk ka sjellë asnjë këngë gjatë dy viteve të fundit. Ajo është një nga të famshmet më të palodhshme në biznes”, ka thënë një burim për The Sun.
Këngën e fundit me titull “Poison” Rita e publikoi në maj të vitit 2015. Ajo ka siguruar të ardhura nga reklamimi i brendeve “Adidas” dhe “Tezenis”.
Shqiptarja gjithashtu është shfaqur në filmin “Fifty Shades of Grey” dhe ka udhëhequr spektaklin “America’s Next Top Model”.