Kate Hudson na prezanton me të dashurin e ri

Thashethemet për një lidhje mes tyre nisën të qërkullonin që prej muajit mars kur ata u fotografuan së bashku në Los Angeles por edhe në ditëlindjen e aktores. Mbrëmjen e kësaj të mërkure, Kate Hudson ka vendosur të konfirmojë se ka një mashkull të ri në jetën e saj.

Aktorja hollivudiane dhe i dashuri i saj, muzikanti Danny Fujikawa kanë bërë paraqitjen e tyre të parë zyrtare në tapetin e kuq teksa kanë qënë të pranishëm në premierën e filmit të ri të nënës së saj, Goldie Hawn, “Snatched”.

Dyshja e dashuruar dukej në një gjendje të mirë shpirtërore teksa janë fotografuar duke u puthur dhe buzëqeshur.
Përpara se të arrinin në premierën e filmit, bukuroshja bjonde e komplimentoi të dashurin e saj për look-un në disa video që postoi në Snapchat.