Zac Efron në rolin e një vrasësi të tmerrshëm serial

Zac Efron do të luajë një nga vrasësit më të njohur serialë në botë, Ted Bundy. Ky i fundit ka vrarë mbi 30 persona në 7 shtete të ndryshme dhe është arratisur disa herë nga burgu.

Sipas The Hollywood Reporter aktori 29-vjeçar do të luajë rolin kryesor në filmin e ardhshëm “Extremly Wickes, Shockingly Evil and Vile”, i cili do të drejtohet nga regjisori Joe Berlinger.

Skenari thuhet se do të zhvillohet nga këndvështrimi i Elizabeth Kloepfer, të dashurës së vjetër të Ted Bundy që përfundoi duke e paraqitur atë në polici.

Roli në këtë film mund të konsiderohet një nga më të rëndësishmit e karrierës së aktorit të njohur.