Rita Ora ngacmohet nga ndjekësit, ja detaji që ata vunë re në foton e publikuar

Rita Ora është rikthyer me “Your Song”, këngë e cila është pritur shumë mirë nga publiku. Madje edhe ajo vetë ka kërkuar që t’i japë një shtysë më tepër duke u kërkuar fansave të saj që ta blejnë online këngën. Në foton e publikuar në Instagramin e saj, fansave të vëmendshëm nuk u ka shpëtuar një detaj mjaft interesant. Ndërkohë që këngëve të tjera përbri u dilte çmimi, tek kënga e Ritës shfaqej vetëm opsioni “Play”, që tregon se 26 vjeçare e kishte blerë këngën e saj. Menjëherë filluan ngacmimet online, sipas të cilëve këngëtarja e muzikës pop po e blente edhe vetë këngën e saj thjesht për t’i dhënë një shtysë. Por një zëdhënës i artistes sqaroi se është shumë normale që çdo artist të blejë këngën e tij. Me arsyetimin që, kur nuk e blen vetë, si mund t’i shtysh të tjerat ta blejnë?