Aksident tragjik për motorristen më të famshme e seksi ruse

Ka ndërruar jetë si pasojë e një aksidenti rrugor, motorristja e njohur ruse Olga Pronina, e famshme në gjithë botën për pozat e saj me motorrat.

Lajmin e bënë të ditur mediat ruse, të cilat shkruajtën se 40 vjeçarja po udhëtonte me motorrin e saj kur humbi kontrollin dhe u përplas me bordurat mbrojtëse të rrugës.

Ngjarja ndodhi në afërsi të qytetit të Vladivostok në juglindje të Rusisë .

Bukuroshja ruse me mbi 150 mijë ndjekës në rrjete sociale nuk ka mund të shpëtojë pavarësisht ndihmës mjekësore.

Olga ishte cilësuar si një nga vajzat më bukuroshe e të guximshme të motorrave që tregonte herë pas here format e saj dhe dashurinë për motorrat përmes fotografive të shpërndara në rrjete sociale.

Pronina mësohet se ishte nënë e një vajze 16-vjeçare.