Bebe Rexha kërkon ti vihen “prangat”

Bebe Rexha është padyshim njëra ndër këngëtaret e cila po arrin një sukses të madh edhe jashtë kufijve shqiptarë. Ajo ka depërtuar fuqishëm në tregun muzikor jashtë vendit, duke publikuar disa këngë e bashkëpunime ndërkombëtare, të cilat rezultuan të suksesshme. Si rrjedhojë, Beba tani është njëra ndër personazhet më të dashur për publikun dhe numëron me miliona ndjekës në rrjetet sociale. Së fundmi, ajo ndau me fansat disa video interesante, aq sa edhe qesharake në InstaStory, ku shfaqej në prapaskenën e një koncerti, teksa vizitohet nga disa policë. Njëri prej tyre i hedh asaj prangat në duar, teksa Rexha përsërit me të madhe duke thënë “Mos më arrestoni, mos më arrestoni” gjithmonë brenda shakasë pasi këngëtarja nuk ka pasur asnjëherë probleme me policinë.