Harry Styles ndërpret koncertin për ti ardhur në ndihmë fanses

Harry Styles gjatë dy koncerteve të para në Londër gjatë kësaj jave ka kënaqur fansat e tij besnikë. Por së fundmi ai ka shfaqur edhe anën e tij dashamirëse, duke ndërprerë koncertin e tij të parë për të ndihmuar një fanse, e cili pësoi një gjendje paniku.

Ylli 23-vjeçar i One Direction ishte në mes të disa këngëve akustike në momentin që ka vënë re një pjesëmarrës të koncertit, i cili nuk po ndihej mirë. Në një video të publikuar në “Twitter” shihet Harry teksa i kërkonte audiencës të qetësohej dhe të krijonin hapësirë për fansen që nuk po ndihej mirë. Kanë qënë rojet e sigurimit që i kanë vajtur menjëherë në ndihmë vajzës duke e nxjerrë nga turma.