Arilena Ara në përgatitje të këngës së re
Këngëtarja Arilena Ara është vajza shqiptare e cila po depërton dalëngadalë në tregun e huaj pa bërë shumë zhurmë. Kënga ‘Nëntori’ e publikuar pikërisht në muajin nëntor, ishte ajo e cila Arilenës i hapi dyert e suksesit më të madh në muzikë. Njëkohësisht ajo solli edhe versionin e ri të kësaj kënge me titull “I’m sorry” dhe e publikoi atë në gjuhën angleze.
Por përsëri në nëntor këngëtarja është duke përgatitur hitin e radhës, por nuk ka dhënë asnjë detaj nëse do ta lansojë në gjuhën shqipe apo do të jetë dedikim për tregun ndërkombëtar.
Në rrjetet sociale, ajo ka publikuar disa imazhe me Darko Dimitrov dhe Lindon Berishën që të tre në studio muzikore, por ajo solli edhe disa imazhe me bashkëpunëtorë të huaj. Kështu që mbetet të shihet se çfarë ka përgatitur Arilena për këtë nëntor.
Share Post
