Diplo sërish kritika për Taylor Swift

Dj dhe reperi i famshëm Diplo, para dy vitesh edhe ai si shumë personazhe të tjerë doli kundra Taylor Swift duke postuar ofendime të ndryshme në Twitter. Në vitin 2015 postimi “jepini Taylor Swift një fundshpinë”, u komentua për javë të tëra online nga publiku por edhe nga fansat e këngëtares.
Më pas ishte Diplo, ai që bëri një deklaratë ‘live’ ku i kërkoi falje publikisht Taylor Swift e gjithashtu premtoi se sdo të merrej më kurrë me të.

Por premtimi i tij është thyer pasi në një intevistë për “Rolling Stone”, Diplo ka komentuar sërish mbi këngëtaren 27-vjeçare duke thënë se muzika e saj nuk është ajo çfarë të rinjtë duan të dëgjojnë.
Sipas tij, të rinjtë preferojnë muzikë si ajo e “Rockstar” e Post Malone apo “Kodak Yellow” nga Cardi B. “Askush nuk ka dëshirë të dëgjojë këngët monotone të Taylor Swift. Të rinjtë nuk e duan “Look What You Made Do”. Muzika e saj dëgjohet vetëm pse bëhet një reklamim dhe marketing i jashtëzakonshem, fakti që dëgjohet nuk do të thotë se publiku e preferon”, është shprehur ai.