Për shkak të problemeve me zërin, Shakira ndryshon datat e koncerteve
Turneu i ardhshëm i Shakirës nuk ka nisur akoma, por këngëtarja ka vendosur të ndryshojë datat e koncerteve. Në faqen e saj zyrtare, ajo ka konfirmuar se do ta ketë të pamundur të fillojë të premten në Koln të Gjermanisë për shkak të problemeve me zërin.
“Gjatë këtyre ditëve të fundit të provave, për fat të keq kam probleme me kordat e mia vokale dhe si rezultat, mjekët e mi më kanë urdhëruar që të vazhdoj trajtimin për të shmangur ndonjë dëm më të madh. Jam e mërzitur që do ta humbas koncertin tim të parë më 8 nëntor në Koln”. Ekipi i Live Nation është duke punuar shumë për të caktuar një datë të re për mua që të kthehem dhe të mbajë koncertin për ju. Unë jam duke u përqendruar në rimëkëmbjen për të filluar më 10 nëntor në Paris, sapo të kem marrë dritën e gjelbër nga mjekët e mi”, është shprehur Shakira.
Share Post
