Dafina Zeqiri filloi me sukseset e para në arenën ndërkombëtare
Dafina Zeqiri prej një kohe shumë të gjatë gjendet në Shtetet e Bashkuara të Amerikës për të krijuar një karrierë muzikore aty. Këngëtarja ka filluar të korrë sukseset e para në arenën ndërkombëtare të muzikës. Ajo së fundi ka publikuar këngën “King EP”, i cili ka arritur një sukses që e ka lumturuar Dafin.
Përmes rrjeteve sociale, Dafina ka bërë të ditur se ajo renditet në vendin e 39 të iTunes. Në lidhje me këtë projekt, Dafina kishte folur ditë më parë në një intervistë për prestigjiozen “Harper Bazaar”.
“Unë vetëm shpresoj se ky EP do të frymëzojë dhe do të japë këtë energji për të gjithë, sepse dua që të gjithë ta dinë se gratë janë mbretëresha”, ishte shprehur Dafi. Këngëtarja është duke punuar gjithashtu në projekte të reja muzikore, të cilat do t’i publikojë gjatë muajve në vijim.
Share Post
