Rita Ora tërheq vëmendjen disa ditë para eventit “MTV Europe Music Awards 2017”

Këngëtarja shqiptare me famë botërore Rita Ora, do të jetë prezantuese në një nga eventet më të mëdha që organizohet në Evropë, atë të “MTV Europe Music Awards 2017”. Prezantimi i “MTV Ema 2017” është një prej iniciativave më të mëdha që i është ofruar ndonjëherë në jetën e saj, dhe kështu është shprehur edhe vet këngëtarja në një nga intervistat e fundit.

“Pjesëmarrja ime në këtë event është një moment historik që nuk vjen dy herë në jetë sepse mos harroni origjinën time, unë jam me refugjatët”, ka thënë Rita Ora.
Mbrëmja e ndarjes së çmimeve “MTV Europe Music Awards 2017”, do të mbahet të dielen në Wembley Arena, të Londrës.

Së fundmi, ajo ishte e pranishme në koncertin “Key 103” ku ka performuar ‘live’ para publikut anglez. Ajo që tërhoqi dhe më tepër vëmendjen ishte veshja e saj. Ora shquhet për format atraktive dhe energjinë që ajo transmeton në skenë. Më poshtë mund të shihni paraqitjen e saj në këtë koncert: