Cardi B vendos rregulla strikte për të ftuarit në dasmën e saj

Gjatë një interviste për “New York Magazine”, Cardi B ka deklaruar se bota nuk është gati për dasmën e saj madhështore. Reperja e famshme e cila po korr sukses me hitin “Bodak Yellow” do të martohet së shpejti me artistin Offset. Edhe pse nuk ka dhënë detaje se ku apo kur do të zhvillohet ceremonia e dasmës së saj, Cardi B ka zbuluar disa detaje të reja.

Të gjithë të ftuarit që duan të jenë pjesë e ceremonies së saj martesore duhet tju përmbahen dy rregullave strikte. Fillimisht të gjitha shoqërueset e nuses nuk do të veshin fustan përkundrazi ato do të kenë veshur kostume për meshkuj dhe së dyti, të gjithë të ftuarit si meshkujt dhe femrat e të gjitha moshave do të duhen të vishen me të kuqe. Nëse dikush shkel këtë rregull do të përjashtohet nga ceremonia e çiftit.