Arilena Ara paralajmëron një rikthim të fuqishëm me 5 këngë të reja, në ditët e fundit të dhjetorit

Festat të cilat sjellin ngrohtësi në çdo shtëpi dhe bashkojnë thuajse çdo familje janë duke mbërritur. Prandaj dhe krijuesja e hitit “Nëntori”, Arilena Ara ka paralajmëruar një numër të madh këngësh për ditët e fundit të dhjetorit.

Këngëtarja ka treguar në profilin e saj në Instagram, se ka përgatitur pesë këngë që do publikohen disa ditë para ardhjes së vitit të ri.

“Snow in December”, “Kido”, “Silver & Gold”, “Bemer” dhe “Të huaj”, janë pesë këngët e Arilenës që janë prodhim i producentit dhe tekstshkruesit Darko Dimitrov. Na mbetet të presim dhe të shohim nëse këngët e Arilenës do të kenë suksesin e “Nëntorit”.