Fifi paralajmëron projektin e ri muzikor

Dy muaj më parë këngëtarja Fifi ka publikuar projektin me titull “Zhurmë”. Kjo këngë me të vërtetë bëri “zhurmë”, sepse u prit shumë mirë nga publiku, duke marrë afro 5 milionë klikime.

Madje, me këtë projekt, ajo kishte marrë pjesë edhe në edicionin e sivjetshëm të festivalit “Kënga Magjike”, ku zuri vendin e tretë.

Tashmë, këngëtarja ka nisur punën rreth këngës së re të cilën pritet ta publikojë shumë shpejt, e këtë gjë e ka bërë të ditur vetë këngëtarja përmes llogarisë së saj në Instagram.

Ajo ka postuar një fotografi nga një studio muzikore, ku tregoi se po punon me producentin Jurgen Tufa.