Dua Lipa poston foto me Ariana Grande, a do të ketë një bashkëpunim mes tyre?

Këngëtarja me prejardhje shqiptare vetëm pak ditë më parë publikoi hitin e ri “IDGAF”.
Menjëherë pas tij u konfirmua se 22-vjeçarja që u shndërrua në një yll ndërkombëtar është nominuar në 5 kategori në ceremoninë e ndarjes së çmimeve të “Brit Awards 2018” që do të mbahet më 21 shkurt.

Momentalisht ajo po punon për albumin e saj të ri dhe shpeshherë na shfaq momente nga regjistrimet në studio. Vetëm pak orë më parë një foto që ajo ka postuar në Instagram ka ngritur spekulimet për një tjetër hit që këtë mund të vijë si bashkëpunim.

Dua është shfaqur në foto me Ariana Grande duke luajtur me filtrat e Snapchat por nuk dihet se cila ka vizituar kë.Kjo foto ka sjellë shumë aludime për një projekt të përbashkët të dy artisteve. Fansat kanë shprehur entuziasmin e tyre në komente.