Natalie Portman rrëfehet: Seksualizimi në adoleshencë më bëri të isha shumë e mbyllur në vetvete dhe shumë përzgjedhëse në rolet që pranoja

Natalie Portman ka thënë se objektivizimi i saj si një adoleshente e ka bërë ta mendojë mirë se në cilat filma duhet të punojë.
Aktorja foli në Marshimin e Grave në LA të shtunën rreth faktit që letra e saj e parë në moshën 13 vjecare nga një fans ishte një “fantazi përdhunimi”.
Ajo tha gjithashtu se një stacion radioje lokale numëroi mbrapsht duke pritur ditëlindjen e saj të 18-të – datën që ajo do të bëhej “e ligjshme për të bërë seks”.
“Ndjeva nevojën për të mbuluar trupin tim dhe për të penguar shprehjen time dhe punën time”, kujton ajo.
“Përgjigjja ndaj shprehjes sime – nga komentet e vogla në lidhje me trupin tim për deklarata më kërcënuese dhe të qëllimshme – shërbeu për të kontrolluar sjelljen time në një mjedis terrorizmi seksual.”
Portman tha se këto eksperienca e cuan në zhvillimin e një perspektive krejtësisht të re mbi rolet filmike që ajo do të pranonte.
37-vjeçari tha se ajo “hodhi poshtë çdo rol që kishte qoftë edhe një skenë puthjesh”, duke u siguruar që në intervista të tregonte se sa serioze ishte – për t’u siguruar që njerëzit do ta trajtonin atë në mënyrën e duhur.

Portman, e cila fitoi një Oskar në vitin 2011 për rolin në filmin “Black Sëan”, tha se në moshën 13-vjeçare ajo duhej të zhvillonte një imazh të caktuar në publik, gjë që solli krijimin e një karakteri serioz, konservativ dhe të mbyllur tek ajo.

“Kjo”- tha ajo, ishte “një përpjekje për të ndjerë se trupi im ishte i sigurt dhe se zëri im do të dëgjohej”.

Marshimet e grave u mbajtën gjatë fundjavës, në qytete në të gjithë SHBA dhe në mbarë botën, për të promovuar barazinë gjinore.

Marshimet gjithashtu pasqyronin iniciativat Time’s Up dhe #metoo që kanë ardhur në prag të skandalit të abuzimeve seksuale në Hollivud.