Robbie Williams nuk do performojë më projektin “Angels” në koncertet e tij

Në një intervistë për “Daily Star”, ylli britanik i muzikës pop, Robbie Williams është shprehur se nuk do të këndojë më këngën “Angels” në koncertet e tij.

Kjo pasi thotë se nuk është më i aftë të kontrollojë emocionet gjatë perfomancës.dhe shpesh ndodh që të qaj kur fansat i tregojnë ndonjë rrëfim që e lidhin me këngën.

“Disa fansa kur filloj të këndojë këngën “Angels”, nxjerrin postera të dedikuar për nënat ose baballarët e tyre të cilët kanë ndërruar jetë. Atëherë them vet me vete ‘Oh Zoti im, unë do të qaj’.

Kjo më lëndonte shumë”, shpjegoi Williams.
Kënga “Angels” e publikuar para 21 vjetëve, është klikuar mbi 81.7 milionë herë.

Robbie gjithashtu njoftoi se së shpejti do të mbajë një seri koncertesh private, ku do të ftohen fansat më të flaktë të tij, në koncertet e fundit para përfundimit të karrierës muzikore.