Reperi shqiptar pjesë e turit të Big Sean

Bëhet fjalë për Gashin, reperin me origjinë shqiptare, të lindur në Afrikë por të rritur në Amerikë. Mund të themi që është një nga reperat më të talentuar të momentit e këtë e tregon dhe suksesi që po korr. Bashkëpunimet e tij me artistë të kalibrit të lartë po shtohen dita ditës ku emra si Dj Snake dhe Jay Z janë disa nga ata që kanë besuar në talentin e tij. Ky i fundit e përfshiu në labelin e tij, Roc Nation.
Në adresën e tij në Instagram ai ka treguar që po bashkëpunon me Swae Lee për një këngë që premton të kthehet në hit. Gjithashtu na ka njohur me datat e turit që do të zhvillojë me Playboi Cartin. Por ajo çfarë mund të konsiderohet si një hap i madh është pjesëmarrja në turin që do të zhvillojë Big Sean, një nga emrat më të rëndësishëm të hip hop-it së fundmi. Turi do të zhvillohet në 32 qytete të mëdha në Amerikë e do të jetë një promovim shumë i mirë për reperin shqiptar.