Shikueshmëria e ulët e “Oscars” e ka një shpjegim sipas Trump, nuk ka më yje përveç tij

Presidenti i SHBA-ve, Donald Trump zgjodhi rrjetin social Twitter për të komentuar mbi mbrëmjen e ndarjes së çmimeve “Oscars 2018”.

Pas transmetimit të edicionit të 90-të të Akademisë, të dielën, më 4 mars, Los Angeles Times njoftoi se shikueshmëria ka rënë me 19 % krahasuar me vitin e kaluar, pasi pati 26.5 milion shikues.
Presidenti 71-vjeçar nuk mundi të rezistojë pa komentuar mbi këtë çështje.
“Oscarët më të dobët, vlerësuar në historikun e Akademisë. Problemi është, se ne nuk kemi më yje – përveç presidentit tuaj (thjesht shaka, natyrisht)!”-shkroi Trump.
Manjati i pasurive të paluajtshme shpesh përdor mediat sociale që të ndajë mendimet e tij – si për ngjarjet botërore, ashtu edhe për të famshmit e Hollywoodit – kështu që kjo nuk vjen si befasi për ndjekësit e tij.