Elton Deda revoltohet ndaj mediave dhe lajmeve që publikojnë

Fundjavën e kaluar, kantautori i mirënjohur Alban Skënderaj mbajti në Tiranë një koncert recital 3-ditor, që rezultoi një sukses i vërtetë me biletat që u shitën në kohë rekord.
Mungesa e vëmendjes nga ana e mediave ndaj aktiviteteve të tilla i bëri përshtypje një pjese të publikut dhe disa prej artistëve. Njëri prej tyre ishte edhe artisti Elton Deda, i cili ka shprehur zhgënjimin e tij nëpërmjet një statusi në Facebook.
“Gjithçka ordinere që ndodh, histori seksi ose njerëz pa asnjë lloj vlere që bëhen të famshëm brenda ditës, lajme pa kurrfarë brendie, servilizma për përkrahje politike ose futje hundësh nëpër gjëra private të njerëzve…këto i bëjnë më shumë qejf dhe zell. Por askush nuk foli për koncertin e 3 Musketiereve dhe as për koncertin e Albanit, për këtë erë të re që po e gëzon qytetin tonë. Askujt nga mediat tona nuk i intereson kultura dhe gjërat e mira që me aq mundim i bëjmë. Kjo është vërtet për të ardhur keq.”-ka shkruar Deda në statusin e tij.