Aktorja e famshme, shkak për ndarjen e Jennifer Aniston nga i shoqi?

Një grua tjetër mund të jetë shkaku i ndarjes së aktores Jennifer Aniston nga i shoqi, Justin Theroux. Mediat rozë shkruajnë se ylli i “Friend” nuk e ka përtypur dot miqësinë e të shoqit me aktoren dhe mikeshën e saj, Naomi Watts. Theroux, 46 vjeç, dhe Aniston, 49 vjeçe, vendosën të ndaheshin pas dy vitesh e gjysmë martesë, por lidhja e tyre ka nisur që në vitin 2011.

Mediat rozë në SHBA shkruajnë se Aniston nuk i ka pritur mirë disa foto të publikuara vitin e kaluar, në të cilat Theroux dhe Naomi Watts shfaqen të përqafuar.

Miqësia e tyre ka nisur në vitin 2001, kur punuan bashkë për “Mulholland Drive”.