Pas momenteve të ankthit Paris Hilton arrin të gjejë unazën e saj dy milionëshe

Paris Hilton humbi unazën e saj te fejesës me vlerë pak më tepër se dy milionë dollarë. Hilton e humbi këtë unazë derisa ishte në një festë në një klub nate në Miami. Gjendja e saj e ankthit nuk zgjati shumë sepse unaza e saj u gjet disa tavolina më larg se ku ajo po rrinte, në një shportë me akull.

Hilton sapo e kishte vërejtur se po i mungonte unaza, kishte lajmëruar të fejuarin, Chris Zylka dhe sigurimin e klubit të natës ku ata ishin, për të marrë veprimet e duhura. Sipas atyre që ishin po ashtu të pranishëm në këtë klub nate, sigurimi kishte nisur menjëherë të kërkojë në detaje në gjithë zonën VIP, dhe bashkë me ta ishte edhe i fejuari i trashëgimtares së pasur.

Megjithatë duket se përpos sigurimit dhe të gjithë të pranishmëve aty, kjo ngjarje i ka rënë në sy edhe DJ-it që po bënte muzikë atë natë, Above & Beyond.
“Paris Hilton, më vjen mirë që të takova dhe jam i lumtur se ke gjetur unazën”, shkroi ai në një postim në Twitter.