Pink anulon sërish koncertet për shkak të gjendjes gripale

Duket se gjendja gripale që është duke kaluar P!nk nuk ka ndërmend të lehtësohet. Këngëtarja pak ditë më parë nëpërmjet disa postimeve në rrjetet sociale lajmëroi anulimin e disa koncerteve të saj në Kanada duke lënë në baltë mijëra fansa që po prisnin me padurim që ajo të ngjitej në skenë.

Duket se e njejta situatë është përsëritur pasi ajo sërish ka lajmëruar anulimin e disa datave të tjera në Miçigan. Këtë herë me anë të një letre virtuale 38-vjeçarja u ka kërkuar ndjesë të gjithë fansave të saj të cilët kanë blerë biletat për spektaklin në Detroit.

Edhe pse këto data janë shtyrë dhe jo anuluar, Pink nuk ka dhënë asnjë detaj se kur do t’i rikthehet koncerteve të saj, duke i lënë fansat sërish në pritje.