Shawn Mendes dhe supermodelja Hailey Baldwin nuk e fshehin më lidhjen e tyre

Prej disa kohësh ishin përhapur fjalë se këngëtari i hitit “Treat you better”, Shawn Mendes dhe supermodelja Hailey Baldwin janë të lidhur. Fotot ku u kapën mat bashkë, dhjetorin e vitit të kaluar bënë xhiron e rrjeteve sociale, por sërish dyshja nuk e pranuan që janë të lidhur. Shawn dhe Hailey u fotografuan të përqafuar në Toronto, Kanada aty ku modelja kishte shkuar posaçërisht për të takuar këngëtarin.
Por ndonëse gjatë gjithë këtyre muajve janë deklaruar single, pak orë më parë duket se Shawn i ka konfirmuar thashethemet. Ai ka postuar në Instagram një foto të tij dhe Haileyt që ka tërhequr menjëherë vëmendjen dhe kanë nisur urimet për çiftin. Madje edhe këngëtarja Julia Michaels la një zemër të kuqe në komente ndërsa mediat e
huaja këtë postim të Shawn e kanë quajtur konfirmim i lidhjes në Instagram.