Ben Afleck merr shtëpinë afër ish bashkëshortes, ja arsyeja

Ben Affleck shpejt do të jetojë afër ish-bashkëshortes, Jennifer Garner.

Revista “People” ka konfirmuar se aktori 45 vjeçar që me Garner ka dy vajza dhe një djalë po kërkon të blejë një shtëpi të stilit tradicional afër ish-bashkëshortes në Los Angeles.

Sipas burimeve pranë tyre, aktori ia ka vënë syrin një shtëpie që kushton 19.2 milionë dollarë që ka shumë dhoma si dhe oborr të madh me pishinë dhe spa.

Ky lajm vjen pak muaj pasi Affleck është parë duke kërkuar shtëpi bashkë me të dashurën e tij, Lindsay Shookus.

Edhe pse aktori kishte shprehur interesim për të blerë një shtëpi në Santa Monica vitin e kaluar, një burim ka thënë për “People” se shtëpitë që Affleck dhe Shookus kanë kërkuar, ishin në afërsi të Garner, sepse aktori nuk do të jetë larg fëmijëve të tij.

Affleck ka jetuar në një shtëpi me qera, pasi është larguar nga shtëpia ku ka jetuar me Garner dhe fëmijët, pas divorcit të tyre në muajin prill 2015.

Në ndërkohë, aktori dhe Shookus janë në lidhje qysh nga muaji korrik i vitit 2017.