Donald Trump tepër i ngarkuar për ti bërë dhuratë Melanias për ditëlindje

Presidenti i ShBA-ve, Donald Trump, duket të mos ketë pasur kohë fare t’i bëjë një dhuratë bashkëshortes së tij, Melania Trump, e cila festoi ditëlindjen e saj të 48-të.

“Kam zgjedhur një ditë shumë të veçantë, sepse është ditëlindja e Melanias. Gëzuar ditëlindjen Melania”, tha Trump gjatë telefonatës në emisionin “Fox & Friends”. Prezantuesi i emisionit, Brian Kilmeade i bëri presidentit pyetjen logjike: “Çfarë i keni bërë dhuratë për këtë ditë”?

“Epo, më mirë të mos hyj në atë temë sepse mund të kem probleme. Unë e kam një kartolinë të bukur, jam shumë i zënë me punë për të vrapuar pas dhuratave, megjithatë kam marrë një kartolinë të bukur dhe disa lule të bukura”, ka vazhduar ai.