Cesc Fabregas kurorëzon në martesë dashurinë e tij me Daniella Semaan
Futbollisti spanjoll, Cesc Fabregas e ka kurorëzuar me martesë lidhjen e tij disavjeçare me partneren Daniella Semaan. Ceremonia martesore është organizuar në Cliveden House në Berkshire dhe gjithçka ishte e përgatitur në detaje.
Daniella dukej për mrekulli me fustanin e bardhë në ditën më të rëndësishme të jetës së saj. Fotografitë e publikuara në rrjetet sociale tregojnë më tepër për atmosferën e krijuar dhe dukjen e çiftit. Fabregas ka tre fëmijë nga lidhja me Semaan, ndërsa gruaja e tij i ka edhe dy fëmijë të tjerë nga një lidhje e mëparshme.
“Sapo u martova me gruan e ëndrrave”, ka shkruar futbollisti pranë njërës prej fotografive të publikuara. “Porsa u martova me këtë mashkull të bukur të cilin e admiroj”, ka shkruar Daniella në postimin e saj.
Share Post
