Noizy fiton skedinën dhe feston fitoren e Kosovës ndaj Shqipërisë

Reperi i njohur Noizy ashtu sikurse e tregon edhe përmes postimeve të tij në rrjetet sociale është një fans i madh dhe ndjekës i rregullt i ndeshjeve të futbollit. Ndeshja e ditës së djeshme mes përfaqësueses së Kosovës dhe Shqipërisë është ndjekur edhe nga reperi. Ndeshja ka përfunduar me fitoren e Kosovës me rezultatin 3-0.

Kësaj fitore i është gëzuar edhe reperi Noizy, i cili kishte vënë bast që këtë ndeshje do ta fitonte Kosova. Ai në një fotografi të postuar në InstaStory, ka treguar se fitorja e Kosovës i ka ndikuar për mirë sepse ka arritur të fitojë një shumë të konsiderueshme parash pas bastit sportiv të fituar.

Reperi kishte vendosur 200 mijë lekë të vjetra në bast për Kosovën, e cila e kishte koeficientin e fitores 5.3, dhe nga kjo ka fituar plot një milion e 60 mijë lekë të vjetra. “Leku te leku shkon. Go Kosovë se kena ngel keq sonte”, ka shkruar Noizy në mbishkrimin e fotografisë.