03
June
2018
Rita Ora e ngazëllyer për koncertin e saj në Tiranë
Këngëtarja shqiptare me famë ndërkombëtare Rita Ora, është shprehur e ngazëllyer që do të performojë në Shqipëri mbrëmjen e sotme.
Ajo do të jetë prezente në kuadër të festivalit të organizuar nga Bashkia e Tiranës.
Rita do të përmbyllë festivalin sonte me performancën e saj në sheshin “Skënderbej” ku pritet të grumbullojë mijëra adhurues nga të gjitha trojet shqiptare.
Dhe, pak kohë para koncertit këngëtarja në Twitter ka shprehur kënaqsinë që do të performojë në kryeqytetin shqiptar. “Tiranë Shqipëri mezi pres sonte t’iu shoh të gjithë”, u shpreh Rita në postimin e saj.
Kjo është performanca e dytë e Ritës për shqiptarët brenda vitit, pasi performoi edhe në Kosovë me rastin e 10 vjetorit të pavarësisë së vendit.
|
Share Post
