Dafina Zeqiri po depërton fuqishëm drejt tregut ndërkombëtar, paralajmëron performancën e saj krah French Montana

Tregu ndërkombëtar duket se i ka hapur dyert edhe për artisten kosovare, Dafina Zeqiri. Kjo e fundit, ka munguar paksa në aspektin e prurjeve të reja, megjithatë vazhdon të qëndrojë në ShBA, duke synuar fuqishëm tregun e huaj.

Së fundmi, përmes postimit të saj ajo ka treguar se do të performojë në “Why Not Music Festival”, që do të mbahet në Cancun. Në po të njëjtin event, do të performojnë edhe emra të njohur të muzikës botërore, ndër ta edhe reperi i famshëm French Montana.

Kjo nuk është hera e parë që French Montana do të ketë pranë një artiste shqiptare, duke kujtuar kështu faktin se vitin e kaluar ai solli një bashkëpunim me këngëtaren Era Istrefi.