Klajdi Haruni feston ditëlindjen dhe vjen si një dhuratë, kënga e re “Mbase” në bashkëpunim me Bruno

Ashtu sikurse ishte paralajmëruar këngëtari i njohur Klajdi Haruni, ka publikuar këngën më të re të sjellë në bashkëpunim me Bruno. Kënga titullohet “Mbase” dhe pë tekstin dhe muzikën është përkujdesur ashtu sikurse e quajnë ata “vëllai”i tyre Flori Mumajesi ndërsa për videoklipin Max Production. Pjesë e videoklipit është edhe Anjeza Maja e cila me bukurinë e saj i ka dh♪7në dritë këtij produksioni.

Duket se kjo këngë vjen si një dhuratë për ditëlindjen e Klajdit sepse sot ai feston edhe 30- vjetorin e lindjes. Madje diçka të tillë ai e konfirmon edhe përmes statustit të tij në rrjetet sociale.

“Dhurate me te bukur ne prije te ditelindjes muk mund te merrja,faleminderit me shpirt dy vllezerve te mi Flori Mumajesi, Bruno të cilët nuk mund të më bënin më të lumtur se kaq,faleminderit për këtë këngë që është dashuri, faleminderit @maxproductional për videon aq të bukur dhe në fund qershia mbi tortë faleminderit @anjezamaja që i ke dhënë dritë me bukurine dhe thjeshtesinë tende ketij projekti. Shpresoj ta shijoni të gjithë”.