Edhe këngëtarja Janet Jackson pranon betejën e saj të gjatë me depresionin

Këngtarja Janet Jackson së fundmi për revistën “Essence”, ka folur për udhëtimin e saj në jetë për të gjetur lumturinë përgjatë viteve. Duke përdorur këtë përvojë jetësore, Jackson kujton momentet e saj të lartësisë dhe të rënies që përjetoi gjatë dekadave të ndryshme të jetës së saj, duke filluar me fëmijërinë.

“Kur është fjala për lumturinë, unë nuk jam eksperte. Kam vetëm përvojën time të jetës si një udhërrëfyese. Unë kam njohur lumturi të madhe dhe trishtim të madh “, ka thënë Janet.

Pjesa më e madhe e trishtimit të saj erdhi kur ajo ishte në të 30-at , kur Jackson u përball me disa nga sfidat më të mëdha të shëndetit mendor.

“Këto ishin vite të vështira, kur unë luftova me depresionin. Lufta ishte e fortë. Mund ta analizoj burimin e depresionit tim. Vetëbesimi i ulët mund të jetë i rrënjosur në ndjenjat e fëmijërisë e të inferioritetit. Mund të lidhet me dështimin në përmbushjen e standardeve të panevojshme. Dhe sigurisht çështjet shoqërore të racizmit dhe seksizmit. Vendosini të gjitha së bashku dhe depresioni është një kusht i ngurtë dhe i frikshëm. Ashtu si miliona gra në botë, ende dëgjoja zëra brenda kokës sime që më rrihnin, zëra që më pyesin për vlerën time. Lumturia ishte e pakapshme. Një ribashkim me miqtë e vjetër mund të më bënte të lumtur. Një thirrje nga një koleg mund të më bënte të lumtur. Por për shkak se ndonjëherë shihja marrëdhëniet e mia të dështuara bija lehtë në dëshpërim”,është shprehur Janet.