Capital T publikon momente nga biseda me Xherdan Shaqirin pas fitores

Mbrëmja e së premtes ka qenë shumë emocionuese për miliona shqiptarë.

Fitorja e Zvicrës ndaj Serbisë në rezultat 2-1, falë dy golave spektakolarë të shënuar nga Granit Xhaka dhe Xherdan Shaqiri.
Me tu shënuar kjo fitore, statuset dhe komentet e shumta shpërthyen gjithandej në rrjetet sociale me lëvdata dhe fjalë të mëdha për djemtë tanë.

Ishin këngëtarët Rita Ora, Dua Lipa, Action Bronson, Gashi e të tjerë ata të cilët mbështetën dhe përgëzuan dy sportistët në rrjetin social Instagram.
Ndërkohë që të shtunën, reperi Capital T publikoi një fotografi në InstaStory, ku ka shfaqur momentin teksa ka biseduar me Shaqirin pak pas përfundimit të ndeshjes.

“Bisha që terrorizoi serbo-rusë”, ka shkruar Kapo në mbishkrimin e fotografisë, duke iu referuar kështu faktit që Shaqiri dha një gol të mrekullueshëm në ndeshjen e mbrëmshme.
Xherdani dhe Capital T kanë një miqësi të mirë prej vitesh, dhe shpesh takohen gjatë udhëtimeve të Kapos në Zvicër.