Demi Lovato transportohet me urgjencë në spital, shkak mbidoza me heroinë

“TMZ” raporton se Demi Lovato është dërguar menjëherë në spital në Los Angeles, si pasojë e overdozës me heroinë.

Para pak kohësh, Demi Lovato publikoi këngën “Sober” në të cilën këndonte se nuk është më esëll dhe u kërkonte falje të afërmve dhe fansave.

“Mama, më fal. Nuk jam më esëll. Baba, më vjen keq për pijet e hedhura në dysheme. Për të vetmit që nuk më keni braktisur kurrë, i jam futur kësaj rrugë përsëri. Më vjen shumë keq, por nuk jam më esëll”, janë disa nga vargjet e tekstit të këngës.

Demi Lovato ka pasur probleme të hershme me alkoolin dhe drogën dhe për një periudhë hyri në rehabilitim dhe dukej se kishte hequr dorë, por përmes këngës së saj ajo tregoi rikthimin e saj tek ajo varësi. Ende nuk dihet gjendja shëndetësore e këngëtares.