Zbulohet shifra marramendëse e fitimeve të Ed Sheeran…

Këngëtari i njohur  Ed Sheeran fiton shifra marramendëse dhe diçka të tillë e ka zbuluar  “Dailymail”. Ajo raporton se sipas llogarive Sheeran fiton 75 mijë paund në ditë dhe se vitin e kaluar ka fituar 27 milionë paund. Kjo do të thotë se këngëtari fiton £75,005 në një ditë dhe £3,125 në një orë.

Por jeta e tij nuk ka qenë aspak e thjeshtë dhe aq më pak rruga drejt suksesit. Ai përfundoi i pastrehë, shpesh i pangrënë dhe duke fjetur nëpër rrugë, apo nëpër trena. Ed Sheeran shpenzoi ditë e netë të tëra duke kënduar në grupe të vogla, shpesh i paushqyer.

Për habinë e tij, disa nga këngët e tij u bënë tepër të dëgjuara në iTunes, njëra nga të cilat arriti dhe vendin e dytë në klasifikimin e këngëve më të dëgjuara në iTunes. Suksesi i tij erdhi aq shpejt, saqë në fund të vitit, albumi që Ed kishte publikuar në iTunes u shit me mbi 801.000 kopje, duke kaluar në vendin e tetë si albumi më i shitur i atij viti. Që nga ajo kohë suksesi i tij ka ardhur duke u rritur.