Rita Ora shumë shpejt në bashkëpunim me grupin e njohur Rudimental

Rita Ora ka surprizuar fansat me njoftimin e saj më të fundit. Këngëtarja shqiptare do të jetë pjesë e albumit më të ri të grupit Rudimental.

Ata kanë bashkuar forcat për të sjellë këngën “Summer love”, e cila është pjesë e albumit më të ri “Toast to our differences”. Diçka e tillë bëhet e ditur nga vetë Rita përmes llogarisë personale në Instagram. Ajo shprehet e lumtur dhe mezi po pret që të publikohet videoja e këngës së re.

“Jam e entuziazmuar me rastin e ndarjes së këtij njoftimi për arritjen e bashkëpunimit me Rudimental. Mezi po pres të publikohet kënga ‘Summer Liove’ e albumit Toast to our differences”, shkruan bashkëngjitur postimit të saj Rita.