Loredana nominohet në kategorinë “Best Hip Hop Act” në Gjermani, falenderon fansat për mbështetjen

E dashura e Mozzik, Loredana Zefi është duke korrur një sukses të madh në Gjermani. Sidomos bashkëpunimi i saj me Mozzik, “Bonnie and Clyde”, u prit shumë mirë në Gjermani. Së fundmi, ka qenë vetë Loredana,e cila ka bërë të ditur se do të nominohet për një nga kategoritë e festivalit të njohur gjerman, “1Live Krone”. Në këtë festival ajo është nominuar në kategorinë “Best Hip Hop Act”.

“Përshendetje njerëz. Përveç faktit që unë kam arritur deri këtu, unë ju kam borxh. Ndoshta ju nuk e shihni si mirënjohje dhe ndoshta ju mendoni se kjo është shumë e natyrshme për mua. Unë jam e vetëdijshme se muzika e mirë shpërblehet por mbështetja mega gjigante nuk është gjithmonë aty si ju që keni qenë me mua deri më sot, jam mirënjohëse për secilin prej jush, për të gjithë ata që qëndrojnë zgjuar deri vonë duke dëgjuar këngët e mija. Nuk më intereson kush e ka vendin e parë, unë vetëm përpiqem të jap më të mirën time. Shpresoj që të paktën në të ardhmen unë mund t’ju shpërblej me muzikë të mirë. Unë jam nominuar në ‘BEST HIP HOP ACT’”, shkruan në postimin e saj Loredana.