Një ditë pas publikimit, albumi “Phoenix” nga Rita Ora arrin suksesin e parë

Këngëtarja shqiptare me famë botërore, Rita Ora  ka publikuar ditën e djeshme  për të gjithë adhuruesit e saj, albumin më të ri, “Phoenix”, i cili ka në total 16 këngë. Menjëherë pas publikimit, “Phoenix” renditet i pari në listën e albumeve më të kërkuar në botë, në aplikacionin iTunes.

Këtë lajm e ka bërë të ditur edhe vetë Rita, përmes një fotografie të publikuar në rrjetin social Instagram. Ajo ka publikuar listën e plotë të albumeve më të kërkuara të momentit në iTunes, e cila kryesohet nga albumi i saj.

“Numër një në listën e albumeve botërore në iTunes. Faleminderit”, shkruan Rita bashkëngjitur fotos së publikuar.