Wendi Mancaku tregon ëndrrën për të depërtuar në tregun muzikor ndërkombëtar

Wendi Mancaku është një nga artistet e reja më të talentuara në tregun muzikor shqiptar. Pas pjesmarrjes në disa talent-show, ajo zgjodhi së fundmi të merrte pjesë në festivalin Kënga Magjike. Përpos arritjes deri në finale, ajo arriti të fitonte edhe çmimin Best New Artist.
Ajo tërhoqi vëmendjen e të gjithëve me pjesmarrjen në këtë festival, pasi përpos zërit të saj ajo tregoi vlerat edhe si kompozitore. Kënga “Endrra Ime” është një projekt i kompozuar nga vetë këngëtarja.
E pyetur nga moderatorja e emisionit, Antoneta Koci, nëse synon tregun e huaj, Wendi ka treguar që ajo është ëndrra e saj, madje edhe këngët fillimisht i shkruan në anglisht, pasi ashtu i vjen frymëzimi.
“Ngaqë shoh shumë filma të huaj, e dëgjoj muzikë në anglisht e kam shumë të vështirë të shkruaj në shqip (tekste këngësh). Shumicën e kohës shkruaj në anglisht edhe i përshtas më pas në shqip.”- është shprehur këngëtarja.

Për më shumë ndiqni më poshtë emisionin e plotë “Intervista VIP” në Tema Tv.