Kim Kardashian “kopjoi” Kidën, ja si qëndron e vërteta
Së fundmi, portalet janë pushtuar nga lajmi se Kim Kardashian, në festën e ditëlindjes së mikut të saj John Legend, ka kopjuar veshjen e këngëtares shqiptare Kida. Dhe me të drejtë, dikush që i hedh një shikim të shpejtë, sheh se Kida, po të njëjtën veshje, e ka pasur që më 28 dhjetor në postimin ku promovon këngën “Ka je”, ndërkohë që Kim e ka veshur 4 ditë më parë.
Bëhet fjalë për një trupore tepër sexy prej dantelle të zezë thuajse transparente, që në pjesën e belit ka të lidhur atë që duket si një bluzë e gjatë e zezë, teksa në pjesën e gjoksit ka tre kapje që ekspozojnë dekoltenë duke e bërë veshjen tepër joshëse.
Personi që ka realizuar veshjen e Kim është stilisti Alexander Wang ndërsa stilistja që ka realizuar veshjen e Kidës, Diana Qerimi.
Mjafton një kërkim i vogël në internet për të mësuar se veshjen në fjalë, Wang e ka prezantuar në koleksionin e tij “vjeshtë 2019” më 1 dhjetor 2018 dhe në një rastësi “fatkeqe” për stilisten shqiptare, fati deshi që pikërisht kjo veshje të zgjidhej nga Kim Kardashian për eventin, fotot e së cilit bënë xhiron e rrjeteve sociale.
Siç shihet qartë, ndonëse në pamje të parë veshja duket identike, detaje si lulet e dantellës, numri i kapjeve në dekolte si dhe qepja në pjesën e supit që tek dantella kërkon mjeshtëri të vërtetë, tregojnë diferencat e vërteta mes dy krijimeve, ku dhe kuptohet se cila është kopja e cila origjinali. Përpos kësaj, prezantimi i veshjes për publikun nga Wang ka qenë rreth një muaj para publikimit të fotove të Kidës dhe Diana Qerimit.
View this post on Instagram
MOOD for 2019 @kida 🖤✨new music video / wearing DQ x @_the.choker.shop_ accessories
Share Post
