”Nuk është dita për këtë postim”! Kritikohet rëndë Cristiano Ronaldo

E gjithë bota e futbollit është në zi për një prej futbollistëve më të mirë të kampionatit francez, Emiliano Sala, i cili njoftoi ditë më parë transferimin te Cardiffi, por që kurrë nuk luajti për klubin anglez.

Teksa kërkimet për Salan kanë rifilluar mëngjesin e të mërkurës nga policia e Guernseyt, në rrjetet sociale shumë yje të futbollit kanë shprehur ngushëllime për atëdhe  duke u lutur për të.

Por mesa duket jo të gjithë futbollistët ndjerë situatën.

Cristiano Ronaldo postoi në mbrëmjen e të martës një foto nga avioni duke nxitur shumë reagime.

Ishte ish-legjenda angleze, Gary Lineker, ai e kritikoi Cristianon për herë të parë duke u pasuar më pas

“Nuk është dita për një postim të tillë. Vërtet nuk është”, ka shkruar Lineker në Twitter.

Ndërkohë redaktori i BBC Sport, Lewis Wiltshire, po ashtu ishte kritik ndaj superyllit portugez.

“Është i shurdhër, ai postim i Ronaldos dhe nëse jeni një prej shumë njerëzve që po i ktheni përgjigje Linekerit duke thënë se ai veprim i tij është i mirë, jeni po ashtu të shurdhër. Kur atletët, përfshirë yjet e mëdha, bëjnë postime, atëherë ata duhet të jenë në dijeni për atë që po ndodh në botë dhe që të jenë në dijeni se jo gjithçka sillet përreth tyre”, u shpreh Wiltshire.