Drake shpenzon mijëra dollar për një aksesor!Por për çfarë bëhet fjalë…

Shpesh herë rreperi i njohur Drake tregon se nuk e ka problem të shpenzojë edhe me miliona dollarë për një jetesë luksoze.

Ai e ka vërtetur këtë gjë edhe me blerjen e tij më të fundit, që ka kushtuar plot 400 mijë dollarë. Duke qenë se bëhet fjalë për një shifër kaq marramendëse të gjithë do të mendonin se bëhet fjalë për diçka të madhe, por është thjesht një mbajtëse telefoni.

Reperi ka publikuar në ‘Instagram’ një video të mbrojtëses më të re që është e përbërë nga flori 18-karatësh i mbushur me diamante në ngjyrë të bardhë dhe blu. Në qendër të saj ka një buf, që ka të bëjë me labelin e reperit.

Krijuesi i mbrojtëses së telefonit ka treguar se Drake dëshironte që ta kishte patjetër pjesë të koleksionit të aksesorëve të tij. Pavarësisht se nuk u ka pëlqyer të gjithë fansave të reperit, të gjithë bien dakord se pas sukseseve të shumta një blerje e tillë është e justifikueshme.