Lista e re e “Forbes”: Kush janë 10 më të pasurit e globit

Themeluesi i Amazon, Jeff Bezos, është njeriu më i pasur në botë, me 131 miliardë dollarë (115 miliardë euro). Bezos qëndron në krye të listës që revista “Forbes” harton çdo vit për më të pasurit e globit.

Themeluesi i gjigantit të shitjeve online e hapi për herë të parë kompaninë e tij në një garazh në Seatlle. Ai mban detyrën e administratorit të përgjithshëm dhe ka 16% të aksioneve.

I dyti në listë është themeluesi i Microsoftit, Bill Gates, me një pasuri orej 96.5 miliardë dollarë (më shumë se 85.3 miliardë). Ai ka shitur ose dhuruar pjesën më të madhe të aksioneve të kompanisë që tij qëkur e themeloi atë në vitin 1975, së bashku me Paul Allen.

Gates ndiqet nga Warren Buffet, një nga investitorët më të suksesshëm të të gjitha kohërave, me një pasuri prej 82.5 miliardë dollarë (72.9 miliardë euro). Buffet drejton grupin “Berkshire Hathaway”, i cili ka në pronësi mbi 60 kompani, me stë cilave edhe prodhuesin e baterive “Duracell”.

Të tjerë pasanikë të suksesshëm në listë janë themeluesi i Facebook-ut, Mark Zuckerberg, dhe bashkëthemeluesi i Google-it, Larry Page.

Kylie Jenner, 21 vjeçe, është miliarderja më e re në moshë, me një pasuri të bërë vetë dhe jo të trashëguar. Ylli i reality show-t “Keeping Up With the Kardashians” ka një pasuri prej 1 miliardë dollarë (884.3 miliardë euro).

Evan Spiegal, 28 vjeç, bashkëthemelues i Snap Inc., është gjithashtu një tjetër miliarder i kategorisë nën 30 vjeç, me një pasuri prej 2.1 miliardë dollarë (1.9 miliardë euro).

10 më të pasurit sipas Forbes

1) Jeff Bezos  – 131 miliardë dollarë

2) Bill Gates – 96.5 miliardë dollarë

3) Warren Buffett – 82.5 miliardë dollarë

4) Bernard Arnault – 76 miliardë dollarë

5) Carlos Slim Helu – 64 miliardë dollarë

6) Amancio Ortega – 62.7 miliardë dollarë

7) Larry Ellison – 62.5 miliardë dollarë

8) Mark Zuckerberg – 62.3 miliardë dollarë

9) Michael Bloomberg – 55.5 miliardë dollarë

10) Larry Page – 50.8 miliardë dollarë