MCN Chart: Billi Eillish, Daddy Yankee, Ed Sheeran dhe Justin Bieber ia marrin valleve shqiptare!

MCN Chart është një prodhim i MCN Radio Albania (103.1 FM) i cili prezantohet nga gazetari i fushës rozë, Ronaldo Sharka.

Ky program muzikor, hit parade i cili vjen nga e hëna në të premte prej orës 12:00, vazhdon rrugëtimin e tij tashmë prej disa javësh në valët e MCN.

E teksa është mbyllur puntata e fundit për këtë javë, janë zbuluar edhe 3 këngët më të dëgjuara aktualisht në mbarë botën, pasi MCN Chart në ditë të ndryshme udhëton në kontinente të ndryshme, për të prezantuar hap pas hapi këngët më të dëgjuara.

“Bad Guy” nga Billie Eillish është një prej këngëve që ka mbizotëruar chart-in tonë për këtë javë. Billi është fenomeni më i ri muzikor, vetëm 17 vjeçe ka arritur të bëhet artistja më e dëgjuar duke pushtuar vendet e para në chart. “Bad Guy” aktualisht numëron mbi 200 milion klikime në YouTube.

Këngët latine janë të pa shmangshme, e tillë është edhe “Con Calma” nga Daddy Yankee e cila është gati të kapë shifrën e 1 miliardë klikimeve në YouYube. “Con Calma”, në Chart-in me këngët latine ka qenë në vendin e parë për disa javë rresht.

3 javë më parë, dy stile krejt të ndryshme nga njeri – tjetri do të bëheshin bashkë për të sjellë “I Don’t Care”, e kemi fjalën për Justin Bieber dhe Ed Sheeran, këngë e cila ka qenë në vendin e parë në 10 këngët më të dëgjuara në botë në puntatën e së premtes, në SHBA dhe Europe.

Produksioni i MCN Chart sjell këtë mix këngësh, në versionin komik duke i “detyruar” këngëtarët më të dëgjuar të momentit të kërcejnë vallet popullore shqiptare, Billi Eillish me Vallen e Gajdës, Daddy Yankee me Vallen e Tropojës dhe Ed Sheeran & Justin Bieber të cilët e “qajnë” Vallen e Kukësit.

Shijojeni dhe ndiqni MCN Chart, nga e hëna në të premte në orën 12 e një çikë deri në 13 pa një çikë :).