Kim “thyen” rrjetet sociale

Afërsisht një muaj pasi u grabit me armë në kokë në Paris, Kim Kardashian bën rikthimin e saj të madh në rrjetet sociale.

36 vjeçare zgjodhi Facebook në vend të Instagram për të bërë rikthimin e lavdishëm. Ajo ndau me të gjithë fansat e saj një foto ku shfaqej duke promovuar linjën e saj të preferuar të kasave të telefonave. Jo tamam ajo që prisnim pas një muaji heshtjeje, por duket se Kim dëshiron që të lerë pas krahëve të saj grabitjen në mënyrë të menjëhershme. Ndoshta një foto pak më familjare do të kishte ngjallur më shumë simpati, ndoshta me dy vogëlushët e saj, porprotagonistja e “Keeping Up with the Kardashians” ka vendosur t’i kthehet menjëherë punës.

Në të njëjtën ditë që postoi këtë foto në timeline-in e Kim u shfaq dhe një link me një video të titulluar ‘From Kourtney: Halloween With The Family.’

Në postimin shkuhej:” Më pëlqen shumë fakti që kemi filmime të shumta nga fëmijëria pasi babait tim i pëlqente të na bënte video! Kjo video është nga Halloween-i i vitit 1982.”

Në këtë video shfaqen Kim dhe motra e saj Kourtney, dhe është filmuar nga babai i tyre i ndjerë Robert Kardashian.